httpv://youtu.be/i027gBHd29s
Tlawngkainili nia ah Turkey ram in Syria thawn ramri ah ralkap dah liang zo ii. Hetih bang ai a mer hnak san ber tu tun naai ah Turkish ai raldohnak vanzuang pakhat Syria in kaap ai tlok maan in he ram pahnih karlak buai pan ii.
Tlawikainihnih nia ah Turkish Prime Minister Recep Tayyip Erdogan in Tukey hnenah pong le Syria lak ah humhimhnak thuhla ah a dinhmun thleng hang ti ii. Cen, Syrian President Bashar al-Assad hnen ah, “Ramri ah ralkap le ralthuam lam daak lekhaw a ram ca thil poi thai in lang tuh ai “Kaap tuh hnak in hmang tuh,” ti ii.
Turkey in Syria president heh a tohkham in tolh tuhin vai tam thah pong zo ai tun ai thil umhdan in ram pahnih karlak so ruai aam aam ii.
Assad heh Alawite mi ii le Shiite Islam ai branch pakhat ah tel le 6-10% Syrian mipui in bawmhnak ii. Syria ai 90% dung heh Sunni mi ii. Tun ai ralkap ukhnak ah Syria heh Iran ca a rualpha ber pakhat ii ai ciamaan Iran in Assad heh lal ruai hlen daih ii. Assad acozah tlok lekhaw Syria ai Sunni miphun te in Turkey thawn kop thai ai Sunni miphun in thunaihnak co thai ii. Tun heh Turkey in Syria mi refugee/raaltlaan mi 33,000 a ram ah umh ruai ai Syria ram zalenhnak tuhin a zuamtu pawl ii.
info