Kawlram acozah ai Union Peacemaking Working Committee ai Vice-Chairman Aung Min in Kawlram ai ramnai miphun le miphundang thawn acozah ah remhnak umh thil tuhin tun hlan ai “Panglong Conference” bang tawkdunhnak heh 2014 kum hlan ah nai ben kin kuul thu phuang ii.
A rel dan ah he thil heh tun 2012 kum bo hlan December hla dung pah tawlrel pan tum ti ii. A hnuata ber heh 2014 kum i tuhin ruathnak umh thu Forum for Democracy in Burma (FDB) ai Dr. Naing Aung in reel beet ii. He tawkdunhnak ah tun dinhmun ah dinhmun pahnihhnak tian acozah thawn remhnak bawntu pawlkom te thawn rem thil lai lo hnak thula te khai tel tuh thu khai rel ii.
Panglong Conference heh 1947 kum February ah bawnhnak ii le Shan State ai Panglong khua ah Shan, Kachin le Chin miphun te pawl in interim Burmese government hotu General Aung San thawn tawkdunhnak ii. He tawkdunhnak in Union of Burma tihnak ram dinh tuhin lungkhim awng ii.
info