Kawlram acozah le Shan le Kareni State ah tawngdunhnak com rih tuhin lungkhimhnak laai ngan tlang zo napui he ram ah tun tian acozah ralkap thawn tawngdunhnak tawk cuang lo ai mi zai maw zah tun naai nio ah thi zo ii.
Shan lam in SSA-North (Shan State Army-North) in Shan State thlanglam ah acozah ralkap in SSA-North te roh ngai in tawng ai he tawndunhnak heh acozah thawn remhnak a bawn hnua ni 8hnak ah ii. Mongshsu Township ai Mong Awd hmun ah acozah ralkap le Shan te tawngdun thu Maj. Sai La in phuang ii.
Acozaht thawn June 22 nia ah remhnak a bawnhnak ah SSA-North in a ram heh acozah ralkap umh thil tuhin a lungkhimhnak nai ai acozah ralkap te khai SSA-North te ram in a suak tuhthnak thu te khai umh ii. Inapui khal khaw remhnak bawn zo hnua ah tun heh tawngduh pah ii.
June 29 nia ah KNPP (Karenni National Progressive Party) le acozah ralkap te khai hla hmasa ah acozah thawn remhnak laai a ngaan tlang hnua ah roh ngai in tawngdun leh ii.
KNPP lam ai Infantry ralkap 50 te thi thu Secretary Khu Oo Reh in phuang ii. A tawngdunhnak hmun heh KNPP ram song Mawchi Township, Karenni State ah IB 530t thawn ii. Acozah thawn remhnak a bawnhnak song ah ramri thula heh ciang ngaiin relhnak umh lo ii.
Acozah thawn pondun pan fangin KNPP lam in khai acozah ramri song ah lut tuh loin kham dun le cia bangin acozah ralkap te khai amah te ram ah lut tuh loin rel dun thu Khu Oo Reh in reel ii.
info