Tun teng laivum ah internet Virus lar ber heh DNSChanger Virus ii. Nikum November hla dung pah he virus in Internet roh ngaiin buai ruai ai a hlaice in U.S.A ram in tuar ii. He Virus in computer Internet thawn pehzom hnak IP Address te thleng sah heh Bank Account ah internet ah lut fangin cia virus in cia bank bang website dang ah lut ruai ai, a ling lo te in amah te ID le password te thawn lut ngah de le cetin misual te in internet hmangin mi bank ai sumsaw te pawl ru sah ii. Cia lek zo lo, password thawn lut kulhnak wesbite te khai he virus in zawl le FBI in hmanghnak internet le website te tian in buai ruai ben ii. Computer ai IP address thleng sah sek le mah lut hiamhnak website siik thil lo lut thil loin buai ruai berh ii.
Tun teng ah he Virus in laivum ah computer zaizah buai ruai zo tihnak ling ciang thil loin buai ii. Google, Facebook le FBI in a lingdan ah 650,000 computer heh DNSChanger virus in buai ruai zo ti ii.
American ai FBI in he virus in internet a buai ruai hnak tawp ruai tuhin July 9 nia pah he virus nai computer veksen in internet ah lut thil tuh loin bawn tuh ii. Ciamaan DNSChanger virus lon lo hnak computer in July 9 hnua ah America le Canada lam ah Internet lut thil tuh nawn lo in bawn tuh ii. Hetin he virus in internet ah buaihnak bawn tuh nawn loin tumtahhnak nai ii.
Computer ah DNSChanger Virus umh le umh lo siik hiam te in http://www.dns-ok.us/ click tuh le background a hing lekhaw computer ah cia virus umh lo tihnak ii. Virus umh lekhaw color dang, a san in lar tuh ii.
Web Admin