Iran ai Armed Forces Major General Hassan Firouzabali in ralkap in Persian Gulf tipui ai Strait of Hormuz hmun heh ramdang lawng lut thil tuh loin khaam tuhin tun pah mer pan ai Iran Supreme Leader Ayatollah Ali Hosseini Khamenei hnen ah thusuak umh fangin a takin khaam tuh hang tiin phuang ii.
Tun heh Iran ai Parliament ai thunaitu ber hnen ah he tipui heh sumpua lam lawng lut thil tuh loin khaam tuhin thusuah iang in umh i hang.
Strait of Hormuc tipui heh Gulf of Oman le Persian Gulf tipui karlak ah umh ai tipui heh a kau ze lo napui laivum ah Zinan (Oil) lawng lutsuak 100 ai 40 dung heh he tipui heh lamkhong in hmang ber ii. Zinan heh Saudi Arabia lam ai te khai he tipui fehtlang in phur de ii.
Western (Nitlaklam) ram pawl in he tipui heh Iran in kham thil tuh loin a reelhnak heh dik lo ai Iran in ti ben thu khai phuang beet ii.
U.S Navy lam in Iran in he tipui heh lawng lutsuak thil tuh loin a bawn thil daan tiin a relhnak tu Iran in lawng lutsuak te pawl pil ruai tuh i lo lekhaw tipui song ah Mine (Bomb) dah thai ti ii.
info