Brazil ram ah penguin vanio 500 dung heh a rual in thi sek ai tipui hiang ah a laan cia in umhhnak tawk bial ii.
Marine biologist te in zaiman hetin Penguin 512 thi cia in Rio de Janeiro tipui hiang ah umh tihnak heh zingzo li ai ni 30 song ah a san ling thil tuhin ruathnak nai ii.
Penguin vanio pawl heh rong aihpha si in khualum ram tipui lam ah vaak de ii. Tun ai vanio thi cia pawl heh siik fangin rong kham ngai ai a tiksa ruang ah Zinan (Oil) beh khai hmu pha umh lo ii.
Vaterinarian mithiam te pawl khai hetin vanio tam roh thi vut heh a aaicaan ze hnak san ber tu vanio pawl heh a cawlhnak le hliam tuarhnak hmu pha umh lo in thi hnak san heh a khuaruah har roh ii.
He Penguin te pawl heh Magallaes tiin ko ai Magallanes hmun ah nau nai in karhzai de maan ko hnak ii. Penguin tam sawn heh Argentina le Chile ram ah pawldun de ai cetan Magallanes hmun ah fa nai de ii. A tlangpui in he Penguin te pawl heh March le September hla karlak ah Rio Grande do Sul tipui kap ah vaai thai ai cetan Sao Paulo ah vaak de ii.
info