Greenland ram ai vur khal lak songin New York khuapui ai The Bronx ram tia hnakin ngaw sawn vur khal ngaw roh heh tipuithuanthum ah laan ii.
Tun ai vur heh 46 square miles tia dung in ngaw ai Greenland ram ai Petermann Glacier vur tolh hmun an tipui ah lut ii. Tun ai heh 2010 kum hnua ah vur khal ngaw roh tipui ah a luthnak vaihnihhnak ii.
httpv://www.youtube.com/watch?v=GrinE6FINec
He vur khal a tolh lai heh NASA ai Aqua satellite in zuk ngah ai he satellite in nikhat song ah North Pole ram vum ah vai tam ngai lailung heel kongin hleng tio de ii. Vur khal heh New York ai Manhattan lai ram hnakin a let hnih in ngaw lai ii. Manhattan ram song ah 2010 kum ah minung 1,585,873 dung umh zo ii.
Vur heh tipui ah a tolh daan tiin rel thai napui tun ai vur heh a ngaw ze maan mithiam te pawl in kin lailung dinhmun danglamhnak le hnawm rianro hnak siik in a thinhiam lo roh roh ii.
2010 kum ai Greenland ram an vur khal ngaw roh tipui ah luthnak heh tun ai hnakin a let hnih in ngaw lai ii.
University of Delaware ai associate professor Andreas Muenchow in, “Greenland ram ai vur heh kum siar a ciik te te ai kin lailung khua lum tete maan vur he ti cak tete ii,” tiin reel ii. Prof Andreas in 1987 kum an he ram dinhmun zingzo le kum siar 0.11 degree Celsius in he ram heh khualum ii,” tiin reel ii.
info