Kawlram acozah le Shan State Progress Party / Shan State Army (SSPP/SSA) te in tawngdunhnak com tuhin remhnak bawn zo hnua tun heh vai 23 tawngdunhnak suak zo tiin July 18 nia ah phuang ii.
July 18 nia ah avai 23hnak acozah le Shan te tawndunhnak umh ai acozah lam in Infantry Battalion 41 le Shan lam ai Major Hseng Fa, SSA First Brigade te tawngdun ii. Shan lam in acozah lam mi 10 dung kaap ngah, hliam ngah in phuang ii.
Acozah lam in thi te lakah Sai Mawng, kum 22, ralkap konghoitu pakhat khai tel ii. Acozah lam in tuarhnak maan Hsai Liang khua ai Hsaw Kianghai, kum 38 mi heh acozah ralkap te in thu zawt hiam in pom hlat leh tuh maw lin lo ii.
July 17-18 song heh Thailand ah United Nationalites Federal Council (UNFC) in meeting nai le cetah acozah thawn remhnak bawn te pawl thawn tawngdunhnak umh hlen thu phuang ii.
- SSA (Shan State Army) thawn vai 23
- KNU (Karen National Union) thawn vai 2
- SSA (Shan State Army) thawn vai 23
- KNU (Karen National Union) thawn vai 2
- KNPP (Karenni National Progressive Party) thawn vai suak zo ii.
Acozah le Kachin Independence Army (KIA) te heh 9 June 2011 nia pah acozah in KIA thawn remhnak a pahbal maan he laai hlat nia tian vai 1,640 tawndun zo ii.
Restoration Council of Shan State / Shan State Army (RCSS/SSA) SSPP/SSA thawn unau pawlkom khai acozah thawn vai 24 tawngdun zo ii.
UNFC heh member pawlkom 11 thawn dihnak ii ai cia te songin 5 (KNU, KNPP, SSPP/SSA, Chin National Front and New Mon State Party) in acozah thawn remhnak bawn zo ai a dang 6 (KIA, National United Front of Arakan, Wa National Organization, PaO National Liberation Organization, Lahu Democratic Union and Palaung State Liberation Front) te tu acozah thawn tawkdun tuh dinhmun ah umh ii.
info