[portfolio_slideshow]
Kawlram president Thein Sein in avaikhathnak in Thailand a tlawn fangin July 23 nia ah Thailand thawn lungkhim tlanghnak (Memorandum of Understanding/MoUlaai) ngan (Sign) tlang ai ram pahnih in sumpaihnak lam ah per tlang tuhin lungkhim tlang ii.
He MoU in Dawei (Tavoy) hmun ai tipui song ah Kawlram lam khangsohnak tuh le maitha (Energy) lam per tlang tuhin lungkhim ii.
Kawlram president in Thailand prime minister Yingluck Shinawatra hnen ah Tlawngkai nikhat nia ai Conference ah a anghnak thu reel ii.
He conference ah midang in thu zawt thilhnak hong lo ai Thailand lam in thu rel tam ber ai sumpaihnak (Economics) lam rel tam ber ii. Yingluck in Thein Sein hnen ah Dawei thula ah lungkhimhnak lar ruai beet maan a ang thu reel ii. He Dawei hmun ah dollar billion tam ngai man lawng comhmun bawn tuh ai Italian_thai Development (ITD) in tawlrel le he naper ca ITD lam in sumsaw lam ah a sam thu te khai reel ii.
Kawlram acozah in Bay of Bangal tipui ah Kyaukphyu hmun ah le Rangoon ai Thilawa hmun ah khai lawng comhmun bawn zianzo ai India thawn khai Arakan State ai Sittwe ah lawng comhmun bawn tlang teng ii.
Tun ai reltlanghnak ah Dawei le Laem Chabang pehzom tuh dan khai tel ai lampui in pemzom tum ii.
Thailand heh Kawlram ca China hnua ah a sumpaihnak lam ah a naperpui ram pahnihhnak ii le 2011-2012 kum karlak song ah US $4.5 billion man per tlang ii.
Thai prime minister in ram pahnih karlak ah lampui 3 bawn beet tuhin sawm ai Chiang Mai, Mae Hong SOng le Kanchanaburi hiang ah bawn tuhin reel ii.
Hetin Kawlram acozah le Thailand in sumpaihnak thula te rel tlang napui Thailand ai Kawlram mi raltlan in umh mi 140,000 te thula heh tawkdunhnak heh relhnak umh lo ii.
info