Chin State song Paletwa ram ah Arakan Liberation Party (ALP) in Liaison office hong tuh thula ah mipui thawn tawkdunhnak heh ALP in Paletwa khua hiang ai Myoh-ma Buddhist sanginn ah tawkdunhnak bawn ii.
Khuasong mi 20 dung khai he tawkdunhnak ah tel ai he khua ah ALP in liaison office hong tuh thula rel tlang le ALP in hetah office hong tuh tuh daih lohnak tam sawn in thu umh ii.
Chin National Party (CNP) ai Joint Secretary Salai Myo Chit in, “Paletwa ram heh ALP ram song ah tel lo ai ALP heh ralthuam hmang pawlkom ii le hetah office hong tuh heh thil dik i lo ii,” ti ii.
Delhi ah June 26 nia ah Paletwa lam ai Khumi miphun te pawl in ALP in Paletwa ah liaison office hong tuh lungkhim thu mipui thawn tawkdunhnak bawn ve ii. Cen, Khumi te pawl in president Thein Sein hnen ah signature campaign khai bawn ii.
Kawlram acozah mi poimawh te le ALP in tun kum April hla ah ALP in Paletwah ah liaison office hong tuhin lungkhim zo hnak ii.
info