Middle East ram lam ah ram buaihnak so te te hnak maan zinan (Oil) man khai 19% in zarh thum song ah khang le motor le ceet ca Oil man har am am i hang.
July hla ngom ah Oil heh gallon khat ah cent 11 in khang sek ai tun $3.44 i hang ii. A hlan ai gallon khat ah $3.33 ah tlok har tuh lai tiin mithiam te in reel ii.
Zinan hing (Crude Oil) man khai barrel khat ah $92.66 i hang ai $2.97 in khang le 3% in khang tihnak ii. June 28 nia an tun heh Crude Oil heh barrel khat ah $15 in khang le a hlan ah $77.69 i awng ii.
Oil zuar company te pawl khai Iran in Strait of Hormuz tipui heh lawng lutsuak kham tuh hang maan roh ngai in buai tlang zianzo ii. He Hormuz tipui an laivum ai lawng in Oil phurhnak veksen ai hmun 5 ai hmun 1 suak hmun ii.
Ni kum ah U.S in Iran vum ah Oil zuarhnak kham sah le barrel 1 ah $ 100 tian in a man khang ruai ii. Western (Nitlaklam ram) pawl in Iran in ralthuam laukul a bawn hnak khiah com ruai tuhin roh ngain nor tlang teng ai Nuclear ralthuam bawn suak tuh a lau roh ii.
info