Kawlram in minung dikhnak le covo dinhmun kihzah te te hang maan Canada acozah in tun Tlawngkainithum nia ah Kawlram thawn naper tlang tuhin a roh ngaiin fehpui hang ii. Canada in Kawlram thawn sumpaihnak lamkhong hong tuh ai Canada ai acozah palai te pawl khai tun kum September hla ah Southeast Asian ram cang cang ah tlawnin naper tuh daan hong am am tuh ii. He thula heh Canada ai International Trade Minister Ed Fast in phuanghnak ii.
Cak rohin fehpui tuh daan hmasaber ah Cabinet minister in Kawlram tlawn tuh ai April hla bo lam ah Kawlram vum ah sumpaihnak lam a com ruaihnak te pawl khai hong zo i hang. Canada in Naypyitaw ah Canada Embassy dinh tuh in phuang ai Kawlram in a ram ah minung dikhnak le covo dinhmun khangso te te hnak vum ah aangpuihnak in bawn tuh hnak ti ii.
Kawlram democracy buaipuitu te in Kawlram ah tun khai minung dikhnak le covo hnawmcanhnak tam ngai umh lai maan ralring tuhin phuang ve ii.
info