Daan loin Malaysia ah na per mi 11,926 te pawl khiah acozah in 6P program hmangin Kawlram ah zalen ngai in tlung tuhin nikum October hla an cawhkuan umh loin ngaithiam ii.
Ministry of Home Affairs in thu suah le acozah in ngaithiamhnak miphun te lakah Kawlram mi heh a ram ah a tam ber hnak ah 4hnak ah umh le Indonesian (111,344), Nepali (16,352) le Indian (13,349) te pawl khiah a tam ber ii.
Daan loin a ram ah na per pawl lak songin Cambodia (8,201), Bangladesh (6,949), Vietnam (6,254), Pakistan (3,436), Philippines (3,428), China (2,989), Sri Lanka (2,334), Thailand (824), Nigeria (406), Iran (231), Somalia (102), Sudan (93) le ramdang (1.545) te khiah daan loin Malaysia ah na per in umh tiin acozah laai in phuang ii.
Hetih fangin daan loin napertu mi 19,161 khiah hmun cang ai pom le naper naitu (Employer) te mi 494 khai acozah in nikum October hla an pom zo ii.
Ministry in ramdang mi napertu te hnen ah Agent pawl in 6P program hmangin register bawn sah thil tihnak heh sang tuh loin ralring tuhin thu than beet ii. Malaysia ah napertu mi thar langhnak Registration heh Ministry in khaam zo hang ti ii.
He teng fangin napernaitu le napertu te zawl tum hnak thula tam ngai tawk ti ii.
info