Tun dung Arakan State ah Buddhist le Muslim buaihnak in mi 80,000 raltlan in umh hang tiin United Nations Refugee Agency (UNHCR) thuphuangtu in July 27 nia ah phuang ii.
UN thuphuangtu Andrej Mahecic in khai Geneva ah UNHCR ai staff member 3 te khai tun tian Rakhine ram thunaitu te in pom lai ti ii.
UN High Commissioner for Human Rights Navi Pillay in Kawlram ah minung dikhnak le covo a hnawm hnak thula ah dik ngaiin le zalen ngaiin zingzoi thilhnawk bawn kuul thu phuang ii.
May 28 nia ah Rakhine Buddhist te pawl le Muslim Rohingya karlak ah buaihnak suak ai Rakhine Buddhist nupang pakhat sualpuiin reekhnak in pehzom le mi 78 a tlawm ber in thi zo i hang.
Organization of Islamic Cooperation (OIC) in tun ai thubuai heh biahnak lam thubuai maan i lo tiin phuang ii. Cen, OIC in Aung San Suu Kyi hnen ah khai Rohingya te bawm tuhin ninghio ngen ii.
President Thein Sein in he thubuai maan Arakan State ah acozah in State of Emergency phuang ai he thubuai maan ralkap ukhnak an ram dinhmun danglam tuhhnak tian hnaihnok ruai thai tiin reel ii.
UN in Rohingya te pawl heh mi 8000,000 dung umh ai laivum ai zohsuam tuar ber miphun tiin phuang ve ii.
info