Muslim pawlkom Muslim Brotherhood tihnak in Egypt ah amah tawng bentu umh loin lalhnak ngah i hang. Hetin Arab laivum ah ralkaplam a haam ber dinh i hang.
Muslim Brotherhood ai President Mohamed Morsi in Egypt ah President a ngah hnua tun hla 2 ah pro-American Military Council ai hotu te pawl khai lon lio ii. August 12 nia ah Egyptian Defense Minister Field Marshal Mohamed Tantawi, Egyptian chief of staff Gen. Hafez Sami Annan le midang 3 khai hnawt le Fied Marshall Abd al-Fatah Sissi heh Defense Minister le Gen. Sidki Sobhi heh Chief of Staff ah dah ii. President Morsi in ralkap thunaihnak te pawl khai danglam ruai ai thunaihnak sang sawn pe ii.
Tun naai Nipuinia (Sunday) ah Egypt in Israel thawn ramri hmun Sinai tlang lam ah M-60 Tank (US ah bawnhnak) te pawl heh hlat le he Egypt ralkap te pawl in Cairo an thusuak iang teng ii.
info