(Reuters) – India ram ah ruahti tlawm ze maan tun heh khuakheng tlung ai innzuat ramsa million tam rohca rong pe pha umh loin harsahnak tawk teng ii.
Thla 3 song tu acozah in innzuat ramsa cawmhnak tuh rong te khai man loin pe ii. India ram in lorong ca 75% heh ruahti ring ai, ruahti heh khawl de ai lo ah lut ruai de ii.
He ram in ramdang ah zuarhnak thilri te lakah lorong heh 14% dung ian i napui he ram ai umh minung 600 million (a ram mipui hrekkhat) ca fur ruahti heh aihdin sikhnak in ring ii. Tun hlan ah fur ruahti umh lo maan innzuat ramsa thawng tam roh thi awng zo ai a ram in sumpaihnak ah harsahnak tawk zo ii.
Hla hmasa ah ruahti heh tunhlan hnak tah 17% dung in tlawm zo ai Pacific tipuithuanthum an El Nino nikhua hleng tuh leh thio ai harsa sin sin tuh tiin a mangbang roh ii.
Acozah in cang thil tawpin innzuat ramsa nai te hnen ah bawmhnak pe tuhin thu thiam ii. Khuakheng in harsa tawkhnak State ah Maharastra, Punjab, Haryana le Rajasthan, Gujarat nitlaklam le Karnataka State te pawl khiah harsa tawk teng ii.
Cen, thil man le aihdin man te khai a man khang sio ii.
info