July 15, 2012 nia ah India ram ai Kerela State ah zanlam 6:50pm ah ruahti danglam roh heh minute 15 song Kannur khua ah si dek ii. He hmun ah kilometer 1 song ai mi te in he thilmak heh tawk ai inn hmai, lamkhong le sumpua ai zarhnak hnipon te tian in thisan bang ruahti in a san in beh sek ii.
[portfolio_slideshow]
Kannur khua ai mipui kilkhawlhnak pawlkom Panchayat ai President Shaija M in he thisan bang ruahti heh zingzoi tuhin lang ii. He thil heh a san duh thah le mungla san (Beetroot) bang rim nai ii. A ngom ah tu ramsa heh mi in reek le cia heh ruahti in be ruai ai ti heh san sek in ruat awng ii.
Inapui khal khaw he bang ruahti danglam ruah san (Red Rain) heh Kerela State ah tun hlan ah khai hleng awng zo ii.
- July 25 – September 23, 2001 nia ah roh ngaiin Kerala ah thisan bang ruahti si dek awng ii.
- 2006 kum khaal caan ah thisan bang ruahti sii sek ai mipui aaicaan ruai sek awng zo ii.
India acozah in he ruahti phundang heh zingzoi ruai le ruahti ah he ram ai pohnak timaan (Algae) phunkhat tel maan a san ti ii.
httpv://youtu.be/P8-dR9bZ13E
Inapui khalkhaw Indian scientist 2, Godfrey Louis, Ph.D le Santhosh Kumar, Kottayam ai Mahatma Gandhi University ai te in thil danglam phuang ve ai ruahti heh minung in kin ling awng lo hnak DNA tel lo nunhnak phunkhat tel ti ii.
2008 kum August hla ah he te 2 in astrobiology conference ah a tawkhnak reel tlang hnak nai awng ii.
“Kerela ai tawkhnak ruahti a san heh lailung ai i lo hnak nunhnak nai phundang ii. He thil ai molecule umhdan te pawl heh kin lailung mi in tawk awng lo hnak ii ai a phundang roh ii,” ti ii.
Inapui Louis le Kumar heh lailung pua an kontin Kerala State rori ah he hmun rori ah vai tam thah hetin ruah danglam si de tihnak reel lo ii.
info