UN in a phuanghnak ah Rakhine State ai mipui buaihnak maan June hla ah mi 100,000 dung in harsa tuar ai tun heh a zalen deuh hang ii.
August 11 nia ai phuanghnak UN Office for the Coordination of Humanitarian Affairs (OCHA) thusuak ah Kawlram song ah Rakhine mi 68,500 dung heh vaakvaai in umh ai vaakvaai umhmun camp 63 heh Kyauktaw le Maungdaw township ah dinh ai cetah um tlang ai camp 9 ah mi 60,000 dung umh ti ii.
Hetih bang ai umh lai ah vaakvaai umhmun camp ah mi thar hleng tio ai mi 3,000 hleng beet zo hang le Sittwe khua pua lam ah camp 2 dinh been leh ai rongaih harsa ngai ti ii.
August 5-7 karlak song ah Muslim le Buddhist karlak buaihnak in mi 3,000 vaakvaai in tlang zo ii. Rakhaing State acozah thusuak in tun ai mipui buaihnak a suak pan pah tun tian mi 87 thi zo ai mi 120 in hliam tuar le inn 5,300 vum siatsuahin umh hang ti ii.
OCHA in zar hmasa lam ah buaihnak suak tlawm deuh hang ti ii. Inapui khalkhaw mipui te karlak thinrawhnak heh dap thil lai lo ti ii.
info