Aug. 16 — Bangalore ah North East India lam ai Christian tlawngta 5,000 dung in Muslim te thinraw lau in tlangleng 2 zawng le amah te tlawng le naperhnak te hlum in Bangalore khuapui hlum zo ii. Buaihnak suak tuh lau in Bangalore an tlan tuh tam ngai umh lai maan tlangleng dang khai hmang thil tuhin a hlaice in acozah lam in khai tawlrel sah ii.
Cen, Bangalore ai Muslim te in kin Chin mi 2, Bible tlawngta te khai reek zo ii.
Karnataka ai palik officer VS D’Souza in cang thil tawp in buaihnak heh kilkhawl tum ai he thuthang suak tian tu buaihnak siatsuahduhnak umh lai lo ii.
Cen, Bangalore ai Kawlram mi Bible tlawngta te khai ramdang mi i fawm ai Christian mi i ve maan a tlawng hotu te in sumpua suak tuh loin tlawng song ah umh ruai ai, a kul lekhaw midang te bangin Bangalore an tlan kuk thai ii.
State home minister R Ashoka in tlangleng comhmun ah feh le mipui te pawl in cia bang buaihnak suak tuh lo ai lau kul lo thu reel napui mi 5,000 tu tlangleng in Bangalore an suak ii.
India Prime Minister Manmohan Singh le Assam chief minister Tarun Gogoi te in in Karnataka Chief Minister Jagadish Shettar hnen ah buaihnak umh lekhaw bawm tuhin tha pe tlang ii.
Tun naai ah Assam ram lam ah Hindu le Muslim karlak thubuai suak le cia maan SMS hmangin Muslim te in buaihnak bawn tuh thu thang ai cia lau maan hetin Bangalore ai Christian te tlaanhnak ii.
Bangalore ah N.E India mi heh 25,000 dung umh ai Christian ii le a tam sawn tu tlawngta ii. Cen, N.E mi Christian te lakah kin Kawlram mi khai za luan in tam ngai umh ii.
info