Japan in Sea Of Japan hmun ai tikulh neu neu te thu man buaihnak suak fangin Seoul in Ambassador heh tlung ruai lawk napui tuhah tu lel ruai sal hang ii.
Masatoshi Muto heh Japan ram in Seoul khawpui ah feh tuh sal ai a caan leh tikcu zawng heh acozah lamin phuang lo ii. Masatoshi Muto heh South Korea leh Japan ram te ai cuh dun li hnak tikulh (Korea in Dokdo tin ko ai, Japan in Takeshima tin ko ii) a tlawn man Jalan ramah a rang rang ai tlung ruai hnak ii.
Japanese Prime Minister Yoshihiko Noda in he mi tikluh thubuai thu heh International Court Of Justice ah hlen tuh a daih thu heh South Korea acozah hnenah lai pe zo napui, Seoul lam in he mi thu heh hnawl te ii.
Cho Tai Young, Ministry Of Foreign Affairs ai pervo nai tu in “Kin te ca thuruat tlak lo pui ngawn ii. Japan acozah hnenah hlan lai pah ai he mi thu ah kin lungkhimhnak cia leh kin mah ai a i hnak thu te lai in rel leh tuh ii sing” tin thuphuang ii.
Foreign Minister Kim Sung Hwan in, “Dokdo tikulh thu ah buaipha um lo ii, zaiman tifangin Dokdo tikulh heh kin ram ai ii” thuphuang ve fawn ii.
Dokdo tikulh hmun heh minung um lo, lungto lo lek hmun i napuikhaw Nga leh Natural Gas tam ngai um hmun ii thai thu um liang lo ii.
2012 Summer Olympics ah South Korean bohlung saltu pakhat in “Dokdo heh kin ram ii” ti ai lai a keng man in Olympics thunaituten ram khat leh ram khat buaihnak suai ruai thai man, laksawng lang caan ah tel siang lo ii.
info