Forbes in kum 2012 ca Laivum ai nupang milian te cazin tar suak ai, nupang 21 khim ii. He mi te ai sum nai hnak hmuah leh lian daan heh $248.6 billion khim teu ii. Kum 2011 ah nupang milian 20 um ai, he mi te nai hnak hmuah leh lian daan $232 billion khim ii.
He mi te songan a tam sawn heh pupa te ro co hnakte man ai lian hnak leh naihhnak te i napui, nupang 1 zong heh mah neu ro ri ai naperhnak leh mer hnak man ai milian cang hnak lek um ii. Tangka nai hnah leh lianhnak te heh midang te ca phathnak tuh leh bawmhnak an hmang tam sawn ii.
#1. Christy Walton leh Innsang (Kum 57)
Lian Daan – $25.3 billion (March 2012 tian)
Sum Luthmun – Wal-Mart, United States (Wal-Mart Dawrpui)
Christy Walton heh a pasal, John Walton in kum 2005 ah Vanzuang accident in thi tawk fangin $15.7 billion hlum ii. Kum 2010 leh 2011 kumah khai Laivum ai nupang lian (milian) ber lo zo ai, a pasal in First Solar company ah investment lo bawnhnak heh kum 2006 ah Shares heh 500% lo khang man tun ah khai laivum ai nupang lian (milian) ber ah cang sal ii.
#2. Liliane Bettencourt (Kum 89)
Lian Daan – $24 billion (March 2012 tian)
Sum Luthmun – L’Oreal, France
Liliane Bettencourt heh France ram ai nupang lian (milian) ber ii. Eugene Schueller ai fanu naihsun i ai, a pa in L’Oreal, Laivum ai nupangte partuah dunhnak te bawntu company hming thang leh ngawber pawl lo bawn ngah man ai lian hnak ii.
#3. Alice Walton (Kum 62)
Lian Daan – $23.3 billion (March 2012 tian)
Sum Luthmun – Wal-Mart, United States
Wal-Mart hampantu Sal Walton ai fanu ii. Sam Walton heh Clerk per awng ai, a unau pa James thawn Bentonville Dawr in naper lo pan awng ii. Tunah Wal-Mart in kum siar $405 billion lut de ai, napertu 2.1 million nai ii.
#4. Georgina “Gina” Rinehart (Kum 58)
Lian Daan – $18 billion (March 2012 tian)
Sum Luthmun – Mining, Australia
Hancock Prospecting company leh lailungsuak thil co tu Lang Hancock ai fanu ii ai, Australia ram nupang lian ber lek ilo, Asia ram nupang lian ber khai ii.
#5.Iris Fontbona Leh Innsang (Kum 69)
Lian Daan – $17.8 billion (March 2012 tian)
Sum Luthmun – Mining, Chile
Billionaire Andronico Luksic, kum 2005 ah Cancer man thi zo tu ai nupui hnihhnak ii. Laivum ai Copper cotu lian ber leh ngawber company, Antofagasta nai tu ii ai, Iris Fontbana te innsang ai naihnak heh $17.8 billion khim ii.
#6. Birgiy Rausing leh Innsang (Kum 88)
Lian Daan – $14 billion (March 2012 tian)
Sum Luthmun -Packaging, Sweden
Birgiy Rausing heh Gad Rausing ai nupui i ai, Gad Rausing ai pa in kum 1944 ah juice lam te packing daan thiamhnak heh lo hmusuak ai, packaging company ngawpui, Tetra Laval lo din awng ii. Gad Rausing a thi hnua fangin Birgiy Rausing in a fate pathum thawm co ngah ii.
#7. Jacqueline Mars (Kum 72)
Lian Daan – $13.8 billion (March 2012 tian)
Sum Luthmun – Candy, Pet food, United States
Jacqueline Mars heh Frank C. Mars ai tunu ii. American ram ai Candy Company lian ber Mars naitu i ai, chocolate (Snickers, M&Ms) leh invulh ramsa te ai rong (Pedigree ti hnak) bawn tu company ii. Kum 2008 ah Laivum ai hmuk bawntu company lian ber Wrigley khai $23 billion in lai zo ii.
#8. Susanne Klatten (Kum 49)
Lian Daan – $13 billion (March 2012 tian)
Sum Luthmun – BMW, pharmaceuticals, Germany
Susanne Klatten heh Herbert Quandt ai fanu ii. A pa thi hnua ah mawtaw bawntu company BMW heh co ngah ii. M.B.A degree nai i ai, chemical lam bawntu company Altana khai nai zo ii.
#9.Anne Cox Chambers (Kum 92)
Lian Daan – $ 12.5 billion (March 2012 tian)
Sum Luthmun – Cox Enterprises, United States
Cox Enterprises company pantu James M. Cox ai fanu ii. Kum 17 ah High School ben ai, tlawng saya leh thuthang langtu na te lo per awng ii.
#10.Savitri Jindal (Kum 62)
Lian Daan – $ 10.0 billion (March 2012 tian)
Sum Luthmun – Steel, India
India ram ai Steel company O.P. Jindal Group Chairperson ii ai, kum 2005 ah a pasal Om Prakash Jindal, Helicopter accident tawk ai thi zo ii. A pasal in steel company heh 1952 ah lo din zo ii. A fapa pali (Prithviraj, Sajjan, Ratan leh Naveen) te thawn steel company heh konghoi tlang ii.
#11.Abigail Johnson (Kum 50)
Lian Daan – $ 10.3 billion (March 2012 tian)
Sum Luthmun – Fidelity, United States
Edward Johnson, III ai fanu ii ai, America ram Mutual Fund Investment company lianber, Fidelity company ah 24% shares nai zo ii.
#12. Johanna Quandt (Kum 85)
Lian Daan – $ 10 billion (March 2012 tian)
Sum Luthmun – BMW, Germany
Herbert Quandt ai nupui leh Susanne Klatten ai nu ii. Johanna Quandt heh secretary na lo per awng ai, Herbert Quandt ai nupui pathumhnak ii. Kum 1997 BMW’s supervisory board na in com ai, Franfurt hiang ai Bad Homburg khua ah colawm zo ii. BMW company ah 17% share nai teng ii.
#13.Laurene Powell Jobs leh Innsang
Lian Daan – $ 9 billion (March 2012 tian)
Sum Luthmun – Apple, Disney
October 2011 ah thi tu, Steve Jobs ai nupui ii. Steve Jobs heh Apple Inc (Apple Company) hampantu leh CEO lo i awng ii. Laurene Powell heh Board of College Track hampantu leh President na awh tu teng ii.
#14. Charlene de Carvalho-Heineken (Kum 57)
Lian Daan – $ 7.7 billion (March 2012 tian)
Sum Luthmun – Heineken, Netherlands
Freddy Heineken ai fanu ii. Kum 2002 ah Freddy Heineken a thi fangin Laivum ai Beer bawntu company hming thang Heineken company ah 25% stake nai ii. Heineken company in Beer phun 170 heh Laivum ram 65 ah nai zo ii.
#15. Miuccia Prada (Kum 62)
Lian Daan – $ 6.8 billion (March 2012 tian)
Sum Luthmun – Prada
Mario Prada ai fanu naupang ber ii. Mario Prada heh nupang te hnikpon leh bag lam te company hming thang Prada company hampantu ii. Miuccia Prada in Prada company heh a pasal Patrizio Bertelli thawn konghoi dun ii. Miuccia Prada in Political Science ah Ph.D degree ngah zo ii.
#16. Antonia Johnson (Kum 68)
Lian Daan – $ 6.5 billion (March 2012 tian)
Sum Luthmun – Diversified, Sweden
Kum 1982 ah Axel Johnson AB, Sweden leh Axel Johnson Inc company te ai Chairman ah ii. He mi company te heh Antonia ai Pu in kum 1873 ai lo hampanhnak ii..
#17. Blair Parry-Okeden (Kum 61)
Lian Daan – $ 6.3 (March 2012 tian)
Sum Luthmun – Cox Enterprises, U.S.
James M. Cox (kum 1957 ah thi zo), Cox Enterprises hampantu ai tunu ii. Blair Parry-Okeden ai nu, Barbara Cox Anthony kum 2007 ah a thi fangin Parry in he mi company ah 25% stake co bet sal ii.
#18. Wu Yajun, 48, & family
Lian Daan – $ 5.7 billion (March 2012 tian)
Sum Luthmun – Real Estate, China (Self made)
Laivum ai mah neu rori ai billionaire tian hleng ben tu nupang ii.Kum 1984 ah Engineering Degree heh Department of Navigation Engineering of the Northwestern Polytechical University in ben ii. Kum 1988 in 1993 tian China Shirong News Agency ah per ii. Hong Kong ai inn leh lo company lian ngai, Longfor Properties nai tu ii.
#19. Yang Huiyan (Kum 30)
Lian Daan – $ 4.7 billion (March 2012 tian)
Sum Luthmun – Real Estate
Country Garden Group company pui, inn, inn hmun leh lo lam te buaipui tu company heh Yeung Kwok Keung in hampanhnak ii. Yang Huiyan in he mi company ah shares nai tam ber ii.
#20. Rosalia Mera (Kum 68)
Lian Daan – $ 4.5 billion (March 2012 tian)
Sum Luthmun – Zara
Rosalia Mera heh Spain ram ai nupang mi lian ber ii. Inditex Company heh Rosalia Mera ai pasal Amancio Ortega Gaona ai hampanhnak ii. Khek dun zo napui Mera in Inditex company ah 5.8% stake nai lai ii.
Web Admin