Tun naai Kawlram Parliament thusuak in rampua ah Kawlrammi 4 million dung ramang ah naper in umh thu phuang ii.
Lower House (Auh Hluttaw) ai Speaker Shwe Mann in kawlram mi 100 ai 10-12% dung heh rampua ah na per in umh ti ii.Tun heh rampua ah Kawlram ca naper tawlreltu (Employment Service) heh license nai 137 umh ai Kawlram ah 14 umh tiin Labor Department in phuang ii.
Tun hla song ah Thailand ai Kawlrammi refugee/raaltlaan mi 150,000 heh Kawlram in siik tuh ai Kawlram ah tlung thil tiin thu Ministry of Social Welfare and Resettlement in phuang ii.
He ministry/pawlkom in United Nations High Commissioner for Refugees (UNHCR) le Ministry of Immigration thawn na per tlang tum thu khai umh lianglo ii.He tawlrelhnak in Karen le Mon miphun te ca Kawlram acozah hnen an bawmhnak ngah tuh ai Kawlram ah tlung kul tuh ti ii.
Thailand ai Kawlrammi napertu te khiah Kawlram acozah in tlung hiam te ca certificate phunkhat pe tuh ai Kawlram acozah daan ah tel lo te tu roh ngaiin daantat tuh tiin thu umh zo ii. Cen, Kawlram acozah in Thailand ah Kawlrammi naper te pawl ca naper lang tuh daan te khai rolh tuh thu Thailand acozah lam in phuang zo ii.
Thai Laobor Minister Phadermchai Sasomsap in Kawlram acozah daan loin Thailand ah tun hnua ah na per thil tuh lo hang ti ii. Cen, July hla ah Kawlram president Thein Sein in Bangkok a tlawn fangin Thailand thawn lungkhimhnak bawn zo ti ii. Kawlram le Thailand acozah in Thailand ah permit in napertu heh kum 2 ian umh siang tuh ti ii.
info