Zanniat fa te pawl,
Caan i tham de lo man in Falam pon ai i nganhnak copy in ning kuat menma de ding. Falam pon khai ling pah liang man.
Caan nai lo i hang sing khaw. Zai khai mau tau lai lo pawl hrang poi ngai napui zai ti bang in le rel dun thil lo. Raalviltu te in it lo in khua kil kul bang in kai khai Pathian ruaihnak bang in ralring tuh ning rel de ing. Lai lam ah khuasong thu than dun tuhhnak in daar tum de i sing. Mithi um le khaw a nuam niu in, maikaang le khaw a rang ngai in, khawm tuh le khaw a caateng in tum de i.
Ciabang in Israel te khai tuu ki tawtawrawt hmang in pumkhawm tuh le raal tawng tuh te than dun de i. Zisu Khirh heh a zuk tolh fang in tawtawrawt tum tuh i ti i (1 Thes 4:16). Israel te heh Pathian in puai 7 bawn ruai awg i. Cia te le a hmuh nuamhnak te pawl tu he bang in i.
1. Passover puai, Izip ram in luathnak puai: Zisu Khrih heh passover tu fa in thi i (1 Kor 5:7)
2. Col tel lo sang puai, Sang ah col tel lo in zarh khat song cang ruai i: Col tu sual hmuh nuamhnak i le kin col sual heh Pathian in Zisu vumah phurh ai amah phum fang in phum zo sek hang ti hmuhhnak .
3. Rong thar puai, fang tel khat thawi de i: Zisu Khrih tho leh heh rong thar hmasaber ti i. Rauhla taksa a tho tu te lak ah Zisu a hmasaber i (1 Kor 15)
4. Pentecost puai, Sangpa 2 in raithawi i: Pentecost nia Thiang Rauhla tolh in khim zo hang.
He a vum ai hmuah heh khim zo sek hang i. Tun in a hnia ai puai 3 te khim tuh zungzo i hang.
5. Tawtawrawt puai, pumkhawm tuh ko: Mithianglawr tuh in Zisu Khirh zuk tolh tuh le mi thianghlim tihnak a mah nai te hmuah van ah lang tuh i. He mi ah tel lo tu te kum 7 harhnak tuar tuh i si.
6. Yomkippur puai, Sual hlat puai: Zisu Khrih siangpahrang in kum 7 harsahnak ben a tolh leh fang in a taang tu Israel te in sang tuh ai amah te sualhnak khai ngaithiam tuh i. Ciami hmuhhnak i.
7. Hlaam puai. Kum 40 ramro songah hlaam ai umhnak hihhnak tuh puai i: Zisu Khrih kum 1000 song uk fang in laivum ah daphnak um tuh ai kum 40 song Pathian a kilkhawl in cawm bang in laivum mi te Pathian in cawm le hmuifu pe tuh hnak hmuh hnak i.
He tih bang in Pathian in puai te heh sullam nai in bawn ruai i le kin puai bawnhnak bang i lo i. Pathian ai tumtahnak ling fang in a daihhnak hlun tuh heh baai i. Ling lo fang in um miamo thai i.
Tun hla ni 17 nia heh tawtawrawt puai (Rosh Hashanah) i. Ni 9 leek taang hang. Ciania ah mithianglawr thai i. I tuh rori rel thil lo i. Cia nia ah mithianglawr i selai a langhnak ah tel tur sim? A langhnak ah tel tuh in tu amah nai kul i. Zisu heh ling menma in nai ti thil lo i. Mi kin linghnak te heh i nu i pa ti thil lo i sing. Nu le pa tuh in tu hoi dun kul i. Kin hoi hnak te tu i nu i pa ti thil i sing.
Zisu Khrih heh:
I Pathian i.
I luang tlan tu i, sual man thihhnak i kuan sah tu i.
I nunhnak i, i rauhla nunhnak i
I sualhnak man in cawhkuan i kuan sah zo man sual cawhkuan thihhnak tuar tu lo hang ing
ti in sang na kul i. Cia tih in sang le si na thin song ah lut tuh in he tih bang in sawngen tu
“I Pathian le i o tu Zisu Khrih, I sualhnak ca thi tuar man in sual cawhkuan in i luat zo ti sang ing.
Nangmah heh i rauhla nunhnak i si. I thinsong ah lut tu lai i uk tu. I nunhnak na ap ing”
A hming menma Khrihtian in tawk lo i. Zisu Khrih heh nun otu in pom kin kul i. Pa Pathian in lo ning ling ruai tu se law. Daih sahhnak tam ngai thawn,
Miah pa
(Rev Moses Thawng Cung)
USA
info