Kawlram president Thein Sein thawn remhnak a bawn bangin Chin National Front (CNF) in Chin State song ah ralkap umhmun (Camp) dah tuh hmun siik tuhin pervo nai te pawl hlat zo ii.
Chin State song ah Ralkap Camp bawn tuh hmun siik tlang tuhin pervo pehnak te tu Major Thawng Za Lian (CNF ai Military Affairs committee member), Major Solomon (CNF ai Military Affairs Secretary), Brig Gen Hrang Tin Thai (CNF ai Army Chief), Col Than Thun (CNF ai Second Army Chief), Second Ltt Khin Maung Lay le Family Affairs ai Secretary te pawl tel tlang thu Maj Solomon in rel ii.
India ram ai Mizoram State mi engineer pakhat khai he CNF Camp thar ca ti thawn maisa lang tuh dan (Hydro Electric Power) te pawl tawlrel sah tuhin nemhnget zo ii. Khua bawi le khua upate khai CNF Camp thar bawn tuh hmun siik tlanghnak ah tel ve ii.
Maj Solomon in, “Tun kum song ah CNF ralkap camp heh Chin State song ah thawn tum ii ing,” ti ii. A thawn tum hmun heh Thantlang Township song ah i tuh ii.
CNF heh 1988 kum ah Pu Tial Khal hohahnak in 1988 kum ah ding panhnak ii. 1988 kum an 2012 song ah CNF ralkap mi 70 dung ram le miphun ca nunhnak liam zo ti ii.
info