October 18, 2012
BANGKOK, THAILAND —Laihnia hlivua le zinan (Oil) te pawl heh Bay of Bengal tipui hnia ai suah tuhin lungkhimhnak umh zo ai he hmun heh tunhlan ah Kawlram le Bangladesh in ram cuh dun hmun ii. Tun tu he hmun heh ram pahnih in remhnak bawn ai hong hang ii.
Hetin Kawlram le Bangladesh in he tipui hnia ai hlivua alh thai le zinan lang hiam ramdang company te kawi tuhin dawngkham hong tlang zo i hang.
He hmun heh tunhlan ah ram pahnih karlak thubuai hmun i maan tipui hnia lam thula heh ling ciang loin umh meng awng ii. Inapui 2009 kum pah ram pahnih in remhnak bawn ai Hamburg ai International Tribunal for the Law of the Sea hnen ah he thubuai heh aap awng ii. He rorelhnak in ram pahnih ca ramri bawn sah ai ram pahnih in tun kum March hla ah lungkhim tlasng zo ii.
He rorelhnak ai upa Tribunal Registrar Philipe Goutier in he hmun heh ramdang company te in daih roh tuh ti ii.
He rorelhnak in Bangladesh hnen ah tipui kau sawn pe ai Kawlram tu veksen huap in ram kau sawn pe ii. Tun ai ramri thubuai in International Tribunal in Asia ram thula ah a relcat sah hnak a vaikhathnak i ve ii. He thubuai ah ramri heh 370 km dung karlak relcat sah ii.
info