BRUSSELS, Oct. 19 (UPI) — Oct. 18 nia ah EU hotu te pawl in Eurozone ram veksen ca tangka kilkhawldan Banking heh pakhat hmangtlang tuhin lungkhim zo napui Germany le Britian in tun dinhmun ah sumsaw lam harsahnak maan lungkhim ngam lai lo ii.
German Chancellor Angela Merkel in tun hnua ah hetin Bank pakhat hmang tlang kin kul tuh tiin rel ii.
EU ai ram 27 hotu te in tun kum pah nuam niuin 2013 kum ah Bank pakhat hmang tuhin a kulhnak te bawn zianzo tuhin lungkhim zo ii. He thu heh EU ai European Commission in phuang zo ai he commission heh EU ai executive body ii.
EU hotu te tawkdunhnak ah European Central Bank tihnak din tuhin a thutlangpui rel tlang zo ii.
Kum thar ah Bank thar naper heh nung ruai pan tuh ai he Central Bank in EU ram 17 ai bank 6,000 dung heh hmun khat ah January 1 nia pah ko tlang tuh tiin EC official lam in reel ii.
Hetih bang ai a tumtahhnak san heh sumsaw lam Bank ah buaihnak tawk lekhaw acozah thawn buai tuh loin ruathnak nai ii. He tumtahhnak heh Ireland, Italy le Spain te in roh ngaiin lungkhim pui ii.