Pumkhat Kan Si – Pualva

PUMKHAT KAN SI – pualva

http://peperonity.com/go/sites/mview/zanniatsumthang/

Zanniat hrin pawl hi, pumkhat kan si. Kan nu le pa bangaw lo hman nungla kan pu bik “ZANNIAT” ah kan zawmaw thluh ti kan theih a ttul. Cuiruangah unau kan sinak le pumkhat kan sinakah fiangin pakhat le pakhat duhdawt tawnaw in, kan hnam a dam khawsuah thei zelnak dingah ttan kan lakih theihpatawp kan suah a ttul. Mai ci le kuang zahpi ih, mai hnam duhdawtnak câng thiamlo tu cu mi aa an si. Ziangkhalle hmun dang tlang dangah um hman nungla, in thlauthla aw loten, zaikhatih luangin nuntlang zel kan tum kei uh. Nangmah pakhat lawng sangpi ah umin lian vio khal awla, na laicin unau, na hnam piin mi an bang si lo ahcun nangmah pakhat lawng ih mi bangnak khan, kan sung kan hnam mi inhmuh nakah in cawimawi thei cuanglo menthei!! Hnam tthangso tehnak cu mi pakhat parah silo in an hnam pumpi (din hmun) parah miin an teh sawn a si. Cuiruangah pumkhat kan sinak vekin kan ttangrual zel kei uh, ttanrual cu cahnak a si ti hi, kan insawmin kan incah duh a si.

(Note: Kan Sumthang hrin pawl hi, vangva khua ih umlo pawl cu kan ron tarlang mumal thei hrih lo ruangah nan mi ngaidam ka lo dil a si. Theitawp in suahpi zel uh ti ka lo sawm duh bok. Tarlang duh lo si loin, ka theih kim thei hrih lo ruangah a si sawn. Report in rawn pethei tu nan um cun, ka theih ni la2 ah, ret nghal ka tum ding. Unau nan mi bawmnak ka ttul, nang mah lo cun kan thu hla a kim thei lo.)

Mi malte kan sikhallen, kan ttanrual cun, ziangkim kan tithei a si. Pathian kan zum cun zohmanin, in do theilo ding a si. Zanniat fano lungrual zel uhsi.