Kum 1980 dung ai Cartoon hming thang ngai “The Smurfs” heh naupang te lek ilo upa te ai siik hnak Cartoon film ii. He mi “The Smurfs” Cartoon film ai nupang aw pongtu Lucille Bliss kum 96 mi heh 8 Nov 2012 ah thi zo ii. Bliss heh kum 60 song Cartoon film te ah aw pongtu ah tel de ii. Kum 1950 ai Cartoon film “Cinderella” as unau nu, Anastasia ai aw pongtu ah per pan ii. Kum 1950-1952 ai Cartoon film, “Crusader Rabbit”, NBC company in bawnhnak film pan in hmingthang ngah ii. Kum 1960 dung ai “The Jetsons” Cartoon film ah khai Elroy ai aw pongtu ah per ii. Tun nai neu ai suakhnak “Robots” leh TV Series “Avatar: The Last Airbender” aw pongtu ah tel ngah fawn ii. Bliss heh 31 Mar 1916 ah suak ai, naupang neu lai heh Piono tum zir pan zo ii. Bliss pa a thi hnua anu thawn San Francisco ah thawn ii. Bliss heh pasal nai awng lo ii. Bliss in a nung song ai thupuipai, “Cinderella” Cartoon Film ai aw pongtu tuh te rilhnak tuh ca $50 tangka cawi in Los Angeles lo feh awng ii.
info