Israel leh Hamas te tawngdunhnak man Palestian mi thi tam te te ai, 18 Nov nia ah lek Palestian mi naupang 4 tel in minung 11 thi zo i hang.
Ni 5 song tawngdun hnua, Israel ram song heh rockets 540 dungin deng ngah zo ai, rocket 300 val te heh Israel ram hleng hlan, van ah Iron Dome Defense System hmangin lo kham ai, puai ruai ben ii. Sunday (18 Nov) nia ah Tel Aviv khua ah ralringhnak dar vawihnih tum ngah ii. Inapui khaw Gaza lam in rockets kap hnak te heh Israel te in lo kham ben ai vanah puak ii. Israel in Gaza khua tian in ralkap thawn tawng thai tuh thu te khai um bial ai, tun teng ah ralkap 75000 hlak thai tuh in ralring cia zo ai, 16000 ralkap te heh ralthuam awh ruai zo ii. Israel acozah in lai ralkap, ti leh van lam tian in ralring cia lep in um zo ii hang.
info