Tun nia ah United Nations General Assembly ah Palestinian daihsah in vote pe ai Palestinian in UN ah ram pakhat in tel thilhnak le thu ngai thilhnak dinhmun (non-member observer state) ngah hang ii. UN ai dinhmun thar a ngah hnak in laivum thawn pehzomhnak thurelcathnak pawl ah Palestinian ram in tel thil hnak nai i hang.
httpv://youtu.be/9Tq-gZskjfw
“Tun nia bang a liam cia kum 65 ah United Nations General Assembly in relcathnak (Resolution) 181 ah hlanlai ai Palestine ram heh ram 2 ah khan tuhin relcat awng ai cetin Israel ram ding suak awnghnak ii,” tiin Palestinian Authority president Mahmoud Abbas in phuang ii. Palestinian in nehhnak a ngah veleh Abbas heh General Assembly in papa bengin aw suah in aan tlang ii. “Tunnia ah United Nations General Assembly in Palestine ram ding suak tuhin nemhngethnak laai pe tuhin ngen fawm ii ing,” tiin reel ii.
General Assembly ah ram 138 in lungkhimhnak vote heh France, Turkey, Russia le China te tel kawmin pe ii. Ram 9 in daih lo hnak vote pe ai, ram 41 in vote ah tel hiam lo ii. Palestinian ram ding tuh Israel lam ah lungkhim ve lo ram 9 songin Canada le U.S.A tel ii.
“He UN vote maan zai khai danglamhnak om tuh cuang lo ii,” tiin Israel lam in reel ve ii.
Canada acozah in he thula maan Canada khawpui Ottawa an Palestinian palai heh hnawt tuh maw kum 5 song Palestinian acozah bawmhnak tuh $300 pe tuh lo maw tihnak ruat tlang teng ii.
Palestinian ram daihsahhnak thula ah Vatican in UN ai vote 139-9 heh a lungkhim ai laivum mi tam sawn ai daihhnak fehpui thiam ti le Pope in khai rai ngai hetih bangin laivum in Israel le Palestinian buaihnak heh ramhnak bawn sah tuhin daihhnak ii tiin phuang ii.
UN ai American palai Susan Rice in Israel te thinhnawm teng ah Palestinian te a aanghnak heh a rai hlan ah bo tuh ii. Tunnia ai thusuak maan a aang rohhnak heh thangha a tho leh fangin danglamhnak zai khai om cuang lo tihnak ling tuh lai ii,” tiin reel ii.
Hetin vote pe hlan ah Palestinian te pawl in UN in West Bank ai Palestinian ram heh lungkhim sah tuhin, Gaza le Jerusalem an nisuaklam khai Israel thawn rel tlang tuhin ngen cia ii. Tun ai Palestinian in non-member observer ram dinhmun a ngahhnak maan International Criminal Court ah Israel thula tazacuai thilhnak tian nai thil ii.
info