06 December, 2012, 02:15
Laivum ai pawlkom ngaw ber United Nations ai International Telecommunication Union (ITU) member veksen in laivum huap internet lam thukhat in fehpui tuhin lungkhim zo ii.
Tun zarh Dubai ai ITU conference ah Y.2770 tiin kohnak daan heh China lam palai in thupruk le poimawh roh pakhat in sawmhnak heh hmang tuhin lungkhim le laivum ai internet ai thula veksen heh a songlam tian kuak sek tuhin lungkhimhnak nai zo ii.
UN lam in reldaan ah he daan thar he DPI (Deep-Packet Inspection) tiin ko ai laivum ai internet ah thil hlathnak heh daan in sianghnak le khaphnak te tian in siik thil tuhin bawn ii.
He daan thar hmangin thupruk in internet hmangin thilri kuathnak te khai siik thil tuh ai acozah lam ai thula te tian khai siik sah thil tuh tihnak ii.
British mi computer mithiam, Internet Pa ber (Father of the Internet) tiin kohnak in he daan thar DPI heh lungkhim lo thu phung zo ii.
Inapui conference ai palai Dr. Toure in, “He thil hmangin laivum ah tawkdun lo te khai tawkdunhnak tuhin aw, video le thula te hmangin khangsohnak lam ah tampui kin khangso tuh ai laivum ah online ben lo te ca internet hmang thil hnak sawn i tuh,” tiin reel ve ii.
Tun zarh song ai CNet ah tech journalist Declan McCullagh in a phuanghnak ah, Y.2770 hmangin MP3 data song ai dahhnak thuthup te, man pe kulhnak laa te pawl le online ah BitTorrent hmangin file dah te pawl tian in zong thil tuh ti ii.