Tun North Korea in ICBM (intercontinental ballistic missile) tihnak khuamual ralkhat tian kaap thilhnak missile thar nai zo ai United States tian he missile hleng thil hang thu Dec. 12 nia ah phuang ii. US lam in North Korea in missile hmangin daih bangin kaap thil tuhin a bawnhnak lam le thiamhnak lam ah a sam roh lai tiin rel ve ii. US ai San Francisco’s Ploughshares Fund, nuclear disarmament group ai director Philip Yun in, “Hetih bang ai North Korea in a zuamhnak maan sumsaw tam ngai bo tuh le ram ca thil kuul lo bo hnak menma ii. Kin vum ai van heh tlok tuh lai lo ii. Lau pha om lo ii,” ti ii.
Thu ngai tu, North Korea heh United State ca a lau kuul tihnak i hang.
North Korea in nuclear ralthuam te pawl khai vai tam ngai hlawhtling ngaiin hman cuul zo ii. Cen missile ah nuclear hmang thil daan te tian in fehpui zo ii. 2011 kum ah Defense Intelligence Agency ai director Lt. General Ronald Burgess in US ai Senate Armed Services Committee ah North Korea in missile ah nuclear hmang thiam thu phuang zo ii.
North Korea ah kum rai ngai a mipui te rikaam in dah le US kaap thilhnak missile heh bawn thliahthlo awng ii. Hetih bang ai a tihnak san tu North Korea in vaikhat nio in US hnawmcan thilhnak thiamhnak nai ve maan ii.
2004 kum ah Russian general te pawl in Congressional Electromagnetic Pulse (EMP) Commission ah North Korea in nuclear ralthuam a bawnhnak thuthup heh lar suak thu phuang awng ii.
Nuclear ralthuam heh lailung vum 30km dung ah puai lekhaw electromagnetic pulse suak ai electronic thilri hmuah hnawmcan thil ai lailung ai inn le thil sahnak te pawl khai hnawm thil lek zo lo, a hlaice in pondunhnak, lamvakhnak, sumsaw lam banking le din-aih te khai hnawmcan thil ii. American mi 300 milion hnawmcan thil tihnak ii. EMP ralthuam hmangin missile pakhat leek in he tluk in USA buai ruai thil ti ii.
EMP missile in a kaap tuh hmun heh ngah teng teng loin khai a puakhnak in hmun kau ze huap maan a lau kul ngai ii.
info