[portfolio_slideshow]
Judah (Jews) miphun paai te Israel ram ah tlung zianzo hnak ah India ram ai Mizoram le Manipur ai mi tam ngai Israel ram ah tlung ii.
2012, December 24 nia ah mi 53 India ram an Israel ram ai tlung te pawl heh Israel ram vanzuang khophmun Ben Gurion airport ah hleng zo ii. Adang mi 274 khai India ram an 2013 Jan 4 nia hlan ah hleng tuhin tumtahhnak om zo ii.
Tun heh Israel in India ram ai Israel miphun paai Bnei Menashe mi te ca VISA a hong lo hnua Israel ram hleng lut ruai lehhnak a vaikhathnak ii.
Israel in Bnei Menashe nam heh Israel miphun paai Menashe ii tiin 2005 kum ah lungkhim zo hnak ii. Tun heh Israel in Bnei Menashe nam mi 7,000 heh India ram an Israel ram ah lang tuhin lungkhim tiin thu om ii.
httpv://youtu.be/vSuFKPAisKU
1994 kum an tun tian Israel ram ah India ram an Israel miphun paai tlung leh heh mi 1,000 khim zo ti ii.
Hetih bang ai Israel in miphun paai tlung leh a langhnak heh Israel acozah in politics lam ah tumtahhnak nai maan i thai tiin ruathnak te khai om ii.
Israel ai tunhlan Interior Minister Avraham Poraz in West Bank ah Israel dinhmun kho ruaihnak tuhin tumtahhnak thu reel awng ai tun bang ai miphun paai tlung ruai te pawl heh West Bank lam ah om ruai de tiin thu om ii.
Avraham Poraz in, “He [Bnei Menashe] te pawl heh Jew miphun thawn pehzomhnak om lo ii,” ti awng ii.
Israel politician hmingthang Kadima MK Meir Sheetrit in 2007 kum ah hetih bang ai Bnei Menashe te pawl Israel ram ah a kawi heh Jews miphun ihnak hnawm ruai thai thu reel awng zo ii.
Kawlram (Burma) le India ram karlak ah Bnei Menashe miphun tidun heh mi 9,000 dung om in ruathnak om ii.
info 
Web Admin