Japan le China in ram cuhdunhnak Senkaku tikulh, Chinese pon in Diaoyu tiin ko ii.
China thawn Senkaku tikulh ram thula ah buaihnak om zianzo maan Japan khai ralkap le ralthuam ca $2 billion hmang beet tuhin relcat ve hang ii.
Japan acozah in sumsaw heh fighter jet, missile le helicopter tam ngai ca hmang tum thu AFP thuthang ah phuang ii.
“Sumsaw songin $2.05 billion heh ralkap lam thil poimawh bik ah hmang tum ai, cia songin $ 600 million heh ram humhimhnak lam ca a kulhnak te pawl ah hmang tuh,” tiin Japan ai defense ministry spokesperson in rel ii.
He tangka hlai ah $ 1.1 billion heh Japan ai defense ministry budget ah hmang beet tuh tiin BBC ah phuang ii.
Tunnaai hla zaimawzah dung tian China in he thubuai nai hmun tikul ram siik tuhin lawng te pawl hlat de ai, minung omhmun lam ah kawi lo napui tipui hnia gas omhmun dung ah kawi tio ti ii.
Hla hmasa ah China in he hmun ah vanzuang hlat le Japan in khai F-15 jet vanzuang tam thah hlat ve ti ii.
Tun naai Tlawngkainihnih nia ah Japan acozah in China acozah palai Cheng Yonghua kawi ruai in tawkdunhnak nai ii. He tawkdunhnak heh China lam in Japan tipui ah nazi 13 song a lawng hmang in om ngio maan ii.
Tun naai kum 10 song ah Japan in ramhumhimhnak (Defense) ca sumsaw heh tlawm ruai awng ii. Tun heh finance ministry in $2billion heh defense ca hmang tuh thuhla heh hmang hlan ah nemhgethnak nai hmasa tuh ii.
info