Roman Catholic ai lu ber Pope Benedict XVI in kum 8 song Pope a per song ah naperhnak song ah thil tam ngai cianghlimhnak bawn tu Roman Catholic ai Kazakhstan, Kyrgyzstan le Tadjikistan ram ca palai pertu in phuang ii.
“Tun ai pope in mi bishop 2 an 3 dung heh hla siar laivum an com ruai ii. Zaimaan tifangin a naperpui te pawl heh thu hnok nai ilo lekhaw naper fel lo maanin ii”, tiin Archbishop Miguel Maury Buendia in February ni 20 nia ah University of San Pablo, Madrid khuapui ah phuang ii.
“Pawlpui ah fel lo bishop te pawl heh Pope palai in feh le pawlpui phahnak tuhin na naper an com tuhin Pope in na ngen ii”, tiin rel ii.
Hetin Pope in com tuhin a ngenhnak bishop tam sawn heh pawlpui dinhmun lingthiam in eel loin naper an com thu reel ii.
“Bishop te lak ah tolh hiam lo mi 2-3 dung om napui Pope in tolh ruai pah ii”, tiin rel beet ii. “Pope in Bishop te ca thucuukhnak ii ai diocess songah khai thucuukhnak i fawm ii tiin Pope in ti ii”, tiin rel ii.
Archbishop in tun bang ai Pope sawn in naper an com hiam thu za fangin a aaicaan roh ai, laivum ah thunaihnak le dinhmun daih in hotu le upa tam ngai om lai ah tun ai Pope omdan heh santehhnak rori tiin reel ii.
info