March 13, 2013 nia ah ah Pope Benedict XVI hnua ah Pope thar rilhnak bawn le vaihnih rori rilhnak bawn hnua ah Bergoglio heh Pope Francis i tuhin Vartican in phuang ii. He nia heh micianghlim Saint Francis of Assisi hihhlenhnak khai i fawm ai St. Francis heh Pope te lak songin miharsa te pawl iittu tiin hmingthang awnghnak ii. Hrekkhat in Francis tihnak hming heh Society of Jesus dingtu Francis upathnak titu te khai umh ii. Cen, Pope Francis heh Roman Catholic song ai mipa ian telhnak Jesuits pawlkom (Society of Jesus) member song in Pope ihnak ngah hmasaber khai ii.
Roman Catholic in Pope heh tun ai thawn Pope 266 nai hang ai Pope Francis heh 266hnak ii. Tunhlan ai Pople te pawl heh Pope i zo te pawl ai hming cawiin hming lang de ai tun heh avaikhathnak Pope hming ah Francis telhnak ii ai kin lailung veilam (Southern Hemisphere) ram an tun heh avaikhathhnak Pope ihnak ii. Francis heh kum 1,272 hnua ah Europe khuamual rampua an suakhnak tun naai ai Pope hmasaber khai ii. Pope Francis in Spanish, Latin, Italian, German, French, le English pon te thiam ngai ii.
Pope Francis ai hming ngai ngai tu Jorge Mario Bergoglio ii le Argentina ram ah khanghnak ai 1969 kum ah siangbawi (priest) i pan ii. 1998 kum ah Archbishop of Buenos Aires ii ai 2001 kum ah Cardinal ii. Pople Benedict XVI in a dinhmun in tolh fangin Conclave (Pope thar tuh rilru te pawl) in a hming canca Francisco tihnak hming pe ii. Pope Gregory III, kum zabi 8 dung ai, hnua ah amah heh Europe pua an Pope hmasaber ii.
Tun tum Vatican ai mipui hmai ah Pope ihnak a lang fangin mipui hmai ah a lardan heh Pope dang te hnakin danglamhnak nai ii. Pope Francis in mipui hmai ah Pope ihnak a lang fangin hnipon mankhung le lar hmang lo ai ponka khai tlawm le felngai ngai hmang ii.
info