USA ram ah Patient Protection and Affordable Care Act, Obama Care tiin mi tam sawn in kohnak heh President Obama in rul lo maan USA in sumsaw tham lo hnak (Deficit) heh $6.2 trillion in khang le acozah in sumsaw tham lo hnak maan nuncaklo siikhnak Medicare le Medicaid program ca sumsaw tlawm sek ai nuncaklo ruai man khai roh ngaiin khang ii.
Obamacare heh March 2010 kum ah acozah in nung ruai le he program hmangin American pawl in nunsong nuncaklo siikdunhnak heh Congress member te bangin acozah bawmhnak ngah tio tuhin um tlang ii. He Obama program maan mipui in naperhnak le innsang in sumsaw be kulhnak umh tuh loin ruat awng ii. Inapui a ngai ngai tu U.S acozah sumpaihnak heh sumsaw tham lo hnak $16.7 trillion khim kio ii.
American ai khuaruat mi pawlkom pakhat American Enterprise Institute (AEI) in a hmudan ah, miur le sii lam mithiam te pawl in Obamacare program maan acozah in sumsaw tham lo hnak heh tuar tlang sek tuh ai innsang le kum upa pitar putar te pawl tian in tuar sek tuh ti ii.
info