Chin State ah a haam ber Khrihfa pawlkom Zomi Baptist Convention hming heh Chin Baptist Convention (CBC) tiin thleng tuhin April 1, 2013 nia pah hmang tuhin official in lungkhim zo ii.
ZBC in avai 21hnak Trinennial Conference heh Kalaymyo, Sagaing Divion ah Marh 21-24 tian nai ai cia khawmpui ah veksen lungkhim in kum 60 hnua ah Zomi tihnak Chin tiin a hming thleng tuhin lungkhim tlang ti ii.
He khawmpui ah palai 400 hnakin tam sawn tel tlang ai pawlkom (association) 28 in tel tlang ii. USA lam in palai kawi ai Myanmar Baptist Convention le Kachin Baptist Convention in palai te pawl khai tel ii.
ZCB hming thleng tuh thula ah hming dang daih sawn te khai umh bial ai hming thleng tuh thula maan thuhnuk tam ngai suak ti ii.
He khawmpui ah CBCUSA le CBC (ZBC) in CCOC (Chins for Christ in One Century) fehpui thula heh poimawh ngaiin rel tlang ai, CBCUSA heh USA ram ai pawlpui 57 in dinhnak pawlkom ii.
CCOC heh 1983 kum ah Zomi Baptist Convention (ZBC) hnia ai Evangelism and Mission Program hnia ah ding awng hnak ii ai 1999 kum tian fehpui awnghnak ii. CCOC ben nia heh Chin State in Khrihfa ihnak kum 100 khimhnak jubilee bawn kum khai i fawm ii.
Zomi Baptist Convention (ZBC) tihnak heh 1953 kum March hla ah Thantlang Township ai Saikah khua ah meeting ah lungkhim in a hming tlang panhnak ii.
info